【On.cc】譚耀文失影帝提名嗌心灰意冷：我不知戥Locker幾開心
香港電影金像獎昨日（10日）公布入圍名單，古天樂憑電影《私家偵探》及《尋秦記》叫「兩飛」，跟張繼聰、梁家輝爭影帝。譚耀文主演電影《拼命三郎》去年上映，演一名過氣大佬，事前已有唔少網民估計譚耀文有機會於「最佳男主角」提名中佔一席位，惟提名名單中卻未見其名，令佢同金像影帝寶座擦身而過。名單公布後不久，譚耀文於社交網寫下4隻大字：「心灰意冷」，完全表達當刻心情，但稍後卻偷偷del post；反而《拼命三郎》中新生代演員Locker（林家熙）則憑該片成功入圍「最佳男配角」獎。
譚耀文《拼命三郎》角色未獲入圍影帝提名。
本身外界多人睇好譚耀文今次有得爭獎。
Locker反而入圍「最佳男配角」獎。
譚耀文被問到是否就金像獎提名一事發文，佢就極力否認：「冇啊 我不知戥Locker 幾開心🥰 冇啊 我只係一啲私人工作嘅事 ～ 發兩句抒發吓咋嘛 ， 多謝關心🙏💖」另外，藝人麥子樂亦有為影帝提名發聲，留言稱：「所有提名都ok，唯一覺得如果有埋林峯同譚耀文就好」為兩大滄海遺珠感可惜。
同時，譚耀文亦有份參演被金像獎取消提名資格的電影《今天應該很高興》，片中他飾演一名渴望與女兒重修舊好的過氣歌手Dan，但面對最後一次與疏遠女兒修補關係的機會，他卻無法放下自尊，仍然留在過去的回憶中。
曾憑1998年的電影《野獸刑警》中的精湛演出，一舉奪得香港電影金紫荊獎及香港電影金像獎的「最佳男配角」殊榮，演技早已獲得專業肯定。此次在《拼命三郎》中擔任男主角，搏命演出獲得大批網民讚賞，卻未能獲得金像獎評審青睞，令粉絲感到惋惜。
譚耀文發文「心灰意冷」後，卻偷偷del post。
麥子樂發文戥佢唔抵。
譚耀文指發文只係講其他工作事。
