【On.cc】陳豪自認傳統嚴格 教仔女做功課動真氣
陳豪身為3個仔女的爸爸，雖然拍劇相當忙碌，但也會抽時間跟進仔女功課，自言是嚴父的他指教小朋友做功課時也會動氣責備，相反老婆陳茵媺管教則較自由，更不會生氣，夫妻教仔女，一剛一柔。
無綫劇集《俠醫》今晚（26日）大結局，他在劇中扮演濟世為懷的中醫，可算是為中醫媽媽「繼承衣鉢」圓夢。年輕時在澳洲的醫館當過助手的他，對中醫一點也不陌生，拍攝時更得心應手，令演出更神似，他說：「媽咪都睇得好開心、好肉緊，因為媽咪係中醫，所以自己對中醫都有一定認識，所以唔算係太難，但係對白上當然有難度，中醫嘅醫學、醫療、功效、啲名語，同埋淨係穴位都記餐飽，呢啲都有難度。」不過，演出經驗豐富的他，拍攝戲中健體操時也被考起，因既要做動作又要作醫療對白講解，令視帝也要NG廿多次，認真是老貓燒鬚。
他雖然年輕時接觸過中醫，但坦言當年對做中醫未有太大興趣，覺得或許以前中醫不像現在年輕化和新潮。問到仔女可會有興趣做中醫？他笑言：「仔女呀？依家跟功課都跟餐飽，佢哋有時話想做醫生，同佢哋講做番晒啲功課先。」
作為好爸爸的他雖然工作忙碌，但也會抽時間跟仔女功課，他說：「做父母就係咁，要佢哋學業好，家長都要從旁輔導，盡量幫手，依家3個就四、五、六年班，大仔六年班啲英文生字已經教到好深，但只係會愈嚟愈難。教導子女往往是夫妻的摩擦點，他則說：「我哋又冇拗交嘅 ，一般教小朋友功課都係交晒畀Aimee，中文就我負責教，同埋亦都唔會一齊教，因為大家用嘅方法唔一樣，我就傳統嚴格啲，教嘅時候會鬧，Aimee就自由少少，好注重佢哋感受，佢唔會動氣，但係我就會動氣，哈哈。」
陳豪演中醫繼承媽媽衣鉢。
陳豪年輕時在澳洲的醫館當過助手。
陳豪扮中醫得心應手。
《俠醫》今晚大結局。
陳豪雖然工作忙碌，但也會抽時間跟仔女功課。
陳豪自認係嚴父。
陳豪教仔女做功課都會動真氣。
好在陳豪同太太陳茵媺未有為教導子女產生摩擦。
陳豪同太太陳茵媺教仔女，一剛一柔。
