【On.cc】顏米羔首個個人騷遇「樺加沙」 心情興奮又緊張
《中年好聲音2》歌手顏米羔一連3場《keepGOing音樂之旅》演唱會原定於本月24至26 假西九文化區自由空間大盒舉行，惟因受風王「樺加沙」襲港影響，24日的特別內部場延期至今日（26日）下午3時舉行，圈中好友胡楓、羅蘭、姜大衛與太太李琳琳、連炎輝及黃韻材等亦有現身支持。
顏米羔展示真功夫。
談到開首個個人騷，顏米羔坦言心情既興奮又緊張，他説：「琴晚第一場係最緊張，其實係一片空白，表演完發覺自己好似忘記咗嗰2、3個鐘發生過乜嘢事，哈哈！」他笑指根本沒有時間去想，就是按綵排時的步驟，身體就自動會做出來，又指不敢跟入場支持自已的好友作眼神交流，因怕會感動得哭了出來：「琴晚有一刻都是，唱唱下死火，要即收返啲情緒，唔敢望，之後都有傳訊息畀大家解釋。」他坦言受颱風影響，令整件事情變得緊迫：「好緊迫，變成要27個鐘入面做3場的表演，仲連埋休息，唔係誇張，真係好厲害嘅事。」
顏米羔施展渾身解數。
米羔笑言十號風球無法控制，因此並未有不開心，就當上天給他多一天休息時間，亦感謝好友支持：「休息就係為咗走更遠嘅路嘛，之後好多朋友都傳短訊畀我，不過都加句『唔使覆我，你快啲休息』，知我之後要連踩幾場。」談到演唱會歌單中除了個人首支單曲《烚菜》，亦包括一首他20多年來也不敢唱的歌曲，他表示正是歌神係張學友的《馬路英雄》：「係當年參加出面歌唱比賽攞冠軍嘅歌，之後就連喺卡拉Ok都唔敢唱，怕冇嗰個狀態，今次第一個個人演唱會當然要攞返出嚟！（媽咪都上台支持你！）係我拖佢落水上台，因為曾經同媽咪講過，如果我有自己嘅演唱會，你一定要喺度，感恩媽咪嘅支持。」
顏米羔實力擔當。
黃韻材到場欣賞。
胡楓和羅蘭結伴到場。
