【On.cc】陳曉華何廣沛大鬥演技 12版紙對白一氣呵成藝人陳曉華與何廣沛在《非常檢控觀》「現代陳世美」單元尾聲，何廣沛為求洗脫謀殺罪，竟以女兒作餌逼「糟糠妻」陳曉華代認殺人罪，喪盡天良。一直被戀愛沖昏頭腦的陳曉華終於清醒鬧爆何廣沛，認真大快人心。陳曉華何廣沛大鬥演技。該場8分鐘探監戲相當精彩，曉華與廣沛大鬥飆演技，12版紙對白更一氣呵成拍攝勁，廣沛充指當日單是對對白及排位足足花了至少1.5小時：「平時最盡3版紙，6版紙係多，拍攝過程順利嘅，主要係事前工夫要做足，對白要背到滾瓜爛熟。因為呢場戲長同埋要清晰掌握情緒轉換位置，例如幾時捉住曉華隻手，幾時要摑自己，呢啲都要仔細排練，加上拍攝上想一氣呵成、等情緒連接得好啲，所以我哋係一次過6版紙去排，前後排咗成至少1.5小時。」廣沛講到自摑戲笑言至少摑了自己三30、40巴：「呢場戲至少3個角度拍攝，每次都至少冚自己5至6巴，估計至少冚咗30、40巴走唔甩。同埋因為冚自己冇得留力，所以冚完都有少少唔記得對白，但值得嘅，冇理由8分鐘戲齋噏，要有啲動作場面。」廣沛又指與曉華演CP的頻密度在無綫數一數二：「我同佢係幾Bro，頭兩、三套劇我哋真係唔熟，只係同事，但因為真係對得太多，呢一、兩年就Friend喇，大家都好清楚大家咩性格，其實係公司逼我哋Friend，呢段係用時間堆砌出嚟嘅友誼嚟。」曉華則笑指與廣沛是「稱媽道仔」的關係：「我雖則成日欺負呢個前輩，但我內心其實好欣賞佢，佢不眠不休、完全冇投訴、好勤力，我諗我哋最夾嘅係信任，因為我信任佢，所以我對住佢已經去到直腸直肚嘅地步。」講到劇中喊戲揮灑自如，曉華透露全靠賴慰玲一句點醒：「賴慰玲確實係一個好好嘅老師、分析師同埋夥伴，她好輕描淡寫嘅一句說話，就影響咗我拍攝感情戲嘅想法」她透露演秦湘言時，並沒有抱著很慘的心態去演：「秦湘言每一滴眼淚其實係又勇敢又痛，佢好想擺脫一切，雖然好痛，但依然勇敢咁親手割下。我覺得呢種感覺只能夠喺心裏狀態非常鬆弛嘅時候先呈現到。」12版紙對白一氣呵成。何廣沛演技精湛。陳曉華實力母庸置疑。準備功夫做足。前途無可限量。
