非常檢控觀｜羅毓儀爆喊戲挑戰極限 一日演3角色似精神分裂：享受日日都有得做戲嘅感覺.《非常檢控觀》現正熱播中，今晚（26日）一集饒馨儀（羅毓儀飾）身穿簡約服飾，搭配黑色粗框眼鏡及陶瓷配飾以文青Look登場，她拿着赤盆到警局報案，聲稱父親饒英拔慘死，鬼魂藏於盆中，認真詭異。當中她有兩場大展喊功，聲淚俱下大呼「我阿爸個冤魂附咗喺呢個盆入面，佢係被人害死，你可唔可以幫佢申冤呀？」、「我係我阿爸唯一嘅親人，佢都係我嘅唯一」；另一場則是她找包希仁（馬德鐘飾）幫忙，邊說邊落淚「我阿爸唔見咗，佢失咗蹤好耐，我懷疑佢被人殺害」、「你可唔可以幫吓我，我真係好想見番我阿爸」看得令人心酸，不少觀眾讚羅毓儀演繹出對父親失蹤心急如焚的心情。對於今次這個角色，羅毓儀接受tvb.com獨家訪問直認有難度，「 因為好多時候都要對住個盆做戲，個盆始終喺死物唔同人，佢唔會畀到反應你， 所以自己前期嘅想像功夫要做得好足，拍攝先會順利。」劇中她有多場情緒戲，羅毓儀自言是「喊包」，容易投入情緒 ，「為咗令演出更真實，我會拎住個盆觀察，摸下感受佢冷冰冰嘅觸感，令我聯想到失去父愛冷冰冰嘅感覺，同埋盆邊啲粗糙位，就令我諗起以前拖住爸爸隻手嗰種感覺，呢啲細節幫我更加代入角色。」由於其故事比較沉重，她指當中大多也是激動戲份，「我拍嘅時候情緒起落都好大，所以能量消耗好高。」羅毓儀又指當時開拍此劇時，同樣拍攝《神耆小子》及《愛·回家》，她直言試過最瘋狂的一天做足3個角色，「朝早就《愛·回家》、中午係《神耆小子》到夜晚就《非常》，加上呢3個角色好唔同，我嘅情緒起起伏伏，做到有啲精神分裂。」即使如此，惟她指雖有壓力仍覺得很好玩，「我好享受日日都有得做戲嘅感覺。」TVB
