【明報即時】「管家佬」林峯孖「常在心」鍾嘉欣壓軸登場拍港鐵廣告
鍾嘉欣和林峯這對經典熒幕情侶拍港鐵廣告，勾起網民無限回憶。（大會提供）
日前流出林峯《尋秦記》片段，引起網民猜測，原來林峯以「寡人」造型，拍攝港鐵新一輯新鐵路廣告《尋‧未來記》。今次是林峯相隔24年，再以霸氣「寡人」現身幕前，於片中沿港鐵各大重點項目穿梭現在與未來，預告片連同一連兩集正片接力推出，粉絲們終於再有「等劇播」和「追劇」感覺。
除了《尋秦記》「寡人」和《溏心風暴》經典CP拍檔鍾嘉欣，以「常在心」造型登場引起劇迷回憶之外，港鐵今次大玩港人集體回憶，召喚已經長大成人，變成大隻仔的「打波先黎落雨的四眼仔」鄭仲軒Eric本尊，聯同林峯合演經典橋段，又重現當年情人節在花墟一人買兩束花的「花先生」，將集體回憶以創意延續，將未來鐵路發展以莊諧並重方式展現。
港鐵廣告短片《尋‧未來記》內，由林峯飾演「寡人」手持太傅留下的穿越時光機器，由秦代穿越到現代港鐵網絡！今日登場第二集，「寡人」去到未來，遇到多年前被新聞採訪後，變成網絡紅人「情人節花先生」。
今集「常在心」鍾嘉欣終極登場，一句「管家佬」掀劇迷觀眾哄動，瞬間連結17前煲劇時光。作為林峯經典熒幕情侶的鍾嘉欣，在第2集廣告登場。
鍾嘉欣以經典角色「常在心」現身，手推嬰兒車呼喚「管家佬」，並以延續劇集傳奇級別數日子橋段「有咗囝囝嘅第300日，晴」作開首對白，將《溏心風暴》兩輯經典角色crossover，為劇迷送上這對經典情侶角色平行時空終極大結局，重燃大家對這對CP熱愛。
「常在心」見到「花先生」為妻兒準備鮮花，投訴「管家佬」兩手空空忘記慶祝紀念日，發火提出一系列要求，要去屯門南站海邊玩、食海鮮、行山、睇日落、四圍打卡！面對老婆連番轟炸，愛妻寵妻「管家佬」一一答應，「常在心」聽到「管家佬」甜蜜承諾後笑逐顏開呢﹗
林峯表示演寡人穿越時空，重溫昔日坐港鐵返學情懷，他笑稱對古洞並不陌生，因為該地方屬古裝拍攝勝地，從未想過未來會有古洞站的出現，林峯笑稱：「如果拍時裝嘅可以，但拍古裝冇理由戴住個頭套去搭車，都唔係唔得嘅，不過怪啲！」
林峯又說：「當年我拍《溏心1》時本來諗住淨係客串，同埋未試過一個角色淨係負責拍拖，嗰陣日日都係同嘉欣一齊開工，點知拍拍下愈嚟愈多場口，但都好開心，可以創造令觀眾記得嘅角色！」
久未與林峯合作拍劇嘅鍾嘉欣，一見到管家佬經典格仔恤，昔日回憶湧上心頭：「嗰陣嘅《溏心》系列對我哋嚟講，事業上真係幫咗好多。到𠵱家20年後，都仲可以走返埋一齊，拍返一個好似續集咁樣嘅廣告，感覺都好奇妙！」
嘉欣表示平時搭港鐵，如果有化妝會大方示人，素顏時就「頭耷耷」無人認出：「我平時都會帶小朋友坐港鐵，呢個係香港嘅特色！同埋我會話畀佢地知，媽咪係靠坐車學講廣東話，好似『將軍澳、旺角』，可以睇到好多中文字。」
（即時娛樂）
