李克勤长子入学纽约大学电影系 李立仁成李安師弟
李克勤同港姐盧淑儀嘅大仔李立仁 (Ryan)之前一直有傳佢入讀紐約大學藝術學院，攻讀電影電視學系，成為著名大導演李安嘅師弟，呢個傳聞終於由Ryan本人間接證實。
Ryan於一個星期前開設一個新嘅IG帳號，而該帳號最新嘅限時動態係一張電影海報，片名《One Year Later》，導演正是Ryan Lee。呢部約16分鐘嘅短片由Ryan同另一位名為Lauren Tran嘅同學共同執導，9月7號已經喺影音平台上架。由此可知Ryan已經正式開始追逐導演夢。
事實上李克勤早前出席活動時，雖然冇正式承認Ryan將入讀紐約大學電影系，但就承認Ryan將會同姚焯菲（Chantel）喺同一個地方讀書。而紐約大學新鮮人Chantel曾經唔小心漏口風，話自己已同Ryan聯絡過，Ryan嘅另一個私人賬號，Chantel亦有追蹤，二人嘅校友關係似乎不言可喻。
