【On.cc】郭柏妍黃庭鋒獲封「高顏值正氣CP」 謝東閔胡敏芝演情侶零違和
無綫劇集《麻雀樂團》郭柏妍和黃庭鋒、以及胡敏芝與謝東閔兩對CP受到觀眾歡迎，郭柏妍和黃庭鋒的「明朗CP」靠樣搵食，獲網民封為「高顏值正氣CP」，網民讚黃庭鋒與郭柏妍靚仔靚女同框，賞心悅目。而曾被被批只懂眼碌碌演戲的郭柏妍，前晚忍淚戲不但演繹自然、委屈樣子更是我見猶憐，引起網民關注。
郭柏妍和黃庭鋒的「明朗CP」獲網民封為「高顏值正氣CP」。
靚仔靚女同框，賞心悅目。
郭柏妍演技獲讚。
另外，39歲的謝東閔與26歲的敏芝組成的「金晴CP」，雖然相差足足13年，但合演情侶不但零違和，更默契十足兼極有喜感，被譽為劇集的MVP。原來為了和謝東閔更合襯，本身已經纖瘦的胡敏芝開劇前刻意減肥10磅，減去Baby Fat。講到與東閔最難忘一幕，她透露是獻出自己的螢幕初吻：「嗰場戲謝東閔孭住我行條斜路行咗好耐，拍完佢成個背脊濕哂。同埋呢場戲我哋足足錫咗謝東閔五次，因為我一係錫得太輕力、一係錫得唔夠耐，都辛苦佢。」
謝東閔與敏芝組成的「金晴CP」，絲毫沒有年齡差。
敏芝最難忘的一場戲是獻出自己的螢幕初吻。
為了和謝東閔更合襯，胡敏芝開劇前減去Baby Fat。
