【On.cc】陳山聰享受Me Time 品賞「人情味」美食
「視帝」陳山聰日常既為工作而忙碌，平日也要落手落腳湊仔，陪伴兒子成長，作為老公、父親實在難有自己的時間。近日山聰終於能夠忙裏偷閒，在繁忙的生活中擠出me time，可以靜靜地一個人去看一套電影，好好放鬆，已經相當快樂。
陳山聰享受Me Time。
山聰在社交網分享生活和快樂就是這樣簡單：「今日終於有時間可以靜靜me time一下、睇咗一套我自己好想睇，睇完之後好鍾意，亦都好催淚嘅戲，正到不得了，無論故事同演員都好好、每一位演員都演得非常好，感謝 「陽光女子合唱團」 給我一個感動嘅下午。」
另外，念舊的山聰十年前幾乎每星期也會幫襯中環一間粉麵店，但早年戒食牛肉後就沒有再幫襯，近期再吃牛肉的他，第一時間重臨舊地，敍舊兼幫襯，他說：「話說十年前我每日都會去中環做gym，差不多一星期有幾日準時十一點就去搵老闆、老闆娘整碗omakase嘅牛雜腩米。不過，之後有好幾年戒咗牛，就一直都冇再去。不過，我依家食返牛，今日喺中環下午餓到爆炸，立即諗起佢兩位年青人，我一去到老闆娘老遠就叫我，你終於都返嚟喇，你唔係戒咗牛肉咩？我話我食返喇，所以咪返嚟探你哋囉，然後老闆話依家落場煮緊牛腩，未有得食住，你一個鐘頭後返嚟得唔得？我話啱哂，我要去拉筋一個鐘返嚟。」之後山聰再品嘗到老闆親手炮製的omakase牛雜腩米，認真回味無窮，食物好味道之外，更美味的就是「人情味」，他說：「好食到癲咗，同老闆娘一路食、一路傾偈，非常開心嘅重聚，我相信依樣就係我哋香港家庭式小店嘅「人情味」。」
重臨舊地。
真材實料。
相當足料。
睇見都想食。
