【On.cc】《中年好聲音》兩位唱將離巢 「香港韓紅」向獨立歌手發展
《中年好聲音》培育過不少參賽者成才，在娛樂圈站穩陣腳再大展拳腳。不過，近日有不少參賽者陸續離巢，先有安雅希，後有林彥言及魏嘉信。今日（10日）林彥言（前名：林鉫徫）及魏嘉信分別在社交平台發文表示離開TVB，展開人生另一個新階段。
魏嘉信2022年參加《中年好聲音》，完成比賽後加入了TVB成旗下藝員，他感觸表示：「呢3年多係度實在經歷咗好多，可以話係人生進化嘅一個重要階段。做律師執業咗10幾年，見盡人生百態，打過無數場仗，呢啲歷練塑造咗今日嘅我；但當踏入另外一個範疇，又發現到另一個世界，將視野擴闊得更大。呢幾年所學習到嘅嘢，彷彿係10年歷練嘅濃縮版。」他表示在TVB期間遇到不少好朋友、前輩、合作夥伴等，並表示會帶着所學的東西，未來在各方面更加努力，表示：「希望日後嘅演出能夠帶俾大家歡樂，所講嘅說話能夠讓大家有共鳴，而將來自己嘅歌，能夠感動大家，繼續傳遞愛！」
魏嘉信宣布離巢。
魏嘉信拍照留念。
至於林彥言挾着「香港韓紅」之名令人熟悉，她本身是一名歌唱老師，2022年參加《中年好聲音》奪得第8名，翌年簽約TVB後成為旗下藝員。她在社交平台發文表示將會正式離開TVB，展開人生另一個新階段，表示：「不經不覺，加入TVB嘅日子已經成為我人生中一段非常重要嘅旅程。由當初鼓起勇氣踏上《中年好聲音》舞台，到之後有機會參與唔同節目演出、音樂錄製同公開活動，每一步都離唔開公司嘅栽培同團隊嘅支持。」她亦感謝一班幕前幕後的工作人員，表示：「亦都好多謝曾經同我合作過嘅每一位同事同戰友，你哋嘅陪伴同支持，令呢段旅程充滿溫暖同回憶。
林彥言宣布離巢。
林彥言挾着「香港韓紅」令人熟悉。
林彥言本身是一名歌唱老師。
