【On.cc】蔡一智爆《天命最高》出賀年版 林峯打破曼德拉效應
尋晚（10日）《尋秦記》慶功，片中飾演「萬良」蔡一智宣布再開草蜢演唱會，「項少龍」古天樂拍片支持，並希望4月草蜢演唱會可以請到古天樂出現。阿智又透露幫項少龍手，將《天命最高》編成賀年版，集齊一大班演員拍MV，林峯希望各大商場喺新年播呢首歌。
至於林峯情人節要「交人」，只得一個星期放假陪屋企：「14號我唔喺香港，要陪太太同囡囡，個幾月唔見屋企人都掛住。」惟有大量預購古老闆新碟做交代，林峯透露新碟收錄嘅《天命最高》會唱出「誰和誰」歌詞，源自早前有大批粉絲集體記錯歌詞中有「誰和誰」，但其實歌曲原歌詞只有「誰求誰」、「誰無誰」、「誰贏誰」及「誰亡誰」，睇嚟今次林峯決定將「曼德拉效應」進行到底。
古天樂為《尋秦記》計仔多多。
蔡一智爆料指《天命最高》將會推出賀年版。
林峯新碟嘅《天命最高》將唱出「誰和誰」歌詞。
林峯情人節要「交人」見老婆同愛女。
