【明報即時】王敏奕未聞曾志偉動向 機會未受影響 期待新工作計劃王敏奕盛裝出席時裝活動，身穿低胸裙裝吸引目光。她強調服飾選擇以舒適與自我風格為先，同時透露未來將有新項目展開，對工作充滿期待。（大會提供 / 明報製圖）王敏奕今日出席時裝品牌活動時強調，挑選服飾時最重視的並非「性感」與否，而是舒適與自我風格的展現。她表示：「著衫最緊要係舒服，同埋要清楚自己鍾意啲咩，著得出自己一個感覺為主，所以我冇乜諗性感或者唔性感。」她亦留意男裝潮流，認為現時流行Unisex，笑言會借老公外套作配襯。她說︰「依家好興Unisex，我有時都會買男裝褸，即係oversize少少咁樣襯一件比較可能feminine嘅款。其實Mix and Match都會撞到一個比較balance嘅感覺，唔係淨係好feminine或者好masculine，係兩樣嘢Mix and Match。」糖妹早前已完成雪卵手術，王敏奕坦言為糖妹打針時緊張到手震︰「我聽佢講好多年㗎啦，我覺得佢有呢個諗法，想去做呢件事，我一直都好支持佢。雖然我冇辦法陪佢飛去台灣進行呢件事，但慶幸佢有一part係返香港做，需要支持，畀一個機會我去參與。」她直言針頭長度令人心驚：「我打都手震㗎，啲針原來咁長㗎，都驚啊，唔係嗰啲短嘅針。」至於是否考慮凍卵，她坦白回應：「暫時未有需要。」老爺曾志偉卸任TVB高層後的動向，她表示未聞消息：「我冇獨家消息。臨近新年，希望可以大家放個假先，有啲咩都新年後再繼續。新嘅一年，好嘅一年再出發啦﹗」王敏奕透露工作並未因老爺卸任而減少，她對新項目充滿期待：「其實都好好彩，即係有啲好好嘅機會啦，嚟緊都會有新嘅project，都係好有興趣嘅，好期待可以快啲同大家見面。」（即時娛樂）
