【On.cc】台慶頒獎禮︱王敏奕憑《新聞女王2》勇奪「最佳女配角」《萬千星輝頒獎禮2025》公布「最佳女配角」劉穎鏇、陳自瑤、高海寧、王敏奕以及龔慈恩齊齊躋身5強，最後獎項由王敏奕憑《新聞女王2》撼贏賽前大熱、同劇的龔慈恩奪得，王敏奕獲獎一刻大感愕然，上台前獲龔慈恩擁抱作鼓勵，佘詩曼更特別步出為她整理頭髮，相當貼心。王敏奕上台領獎時，十分緊張，待了一會才能說話：「Sorry好緊張，Live嚟，我要鎮定啲，多謝每一位投票畀我嘅觀眾，多謝TVB、許生（許濤）、珍姐（曾勵珍）、樂小姐（樂易玲）、老爺（曾志偉）以及佳導（鍾澍佳）.....」說話期間，王敏奕緊張得不斷喘氣，並續說：「原來真係會一片空白，好榮幸能夠同龔姐（龔慈因），以及其他每一位入圍者一齊提名，喺公司呢幾年學識咗做嘢一定要虛心，要一直努力，演戲唔係比賽，獎項亦唔係演員嘅終極目標，每個一作品、角色能夠畀人記住，已經係值得加許嘅事，好感恩，好多謝大家，演員唔需要靠獎項去話畀佢知佢有幾好，但一個獎，可以令一個演員更加堅持咁行落去，希望呢個獎鼓勵所有覺得自己夠努力嘅人，有一日你哋都會攞獎。」王敏奕奪「最佳女配角」。龔慈恩上前擁抱。王敏奕表現激動。老爺曾志偉笑容滿面。首度奪獎。王敏奕在後台受訪時，剛巧台上正頒發「大灣區最喜愛TVB劇集」當得知是《新聞女王2》，她聽到《新聞女王2》奪獎後即開心大叫「Yes」，問她是否仍一片空白？她謂：「係，原來真係準備唔到，會發台瘟，自己只可以演戲，唔可以Live，唔可以無劇本，依家要Keep住冷靜Mode。（無多謝老公曾國祥？）我望到邊個就多謝邊個，多謝曾導（老公曾國祥），佢有睇電視，一陣會過嚟。（點慶祝?）After Party同《新聞女王2》台前幕後慶祝。」記者問到高海寧於《新聞女王２》角色「許詩晴」有外傳，問王敏奕會不會都想有「劉艷」外傳？王敏奕則指：「演員好被動，《新聞女王》第一、二輯都咁受歡迎，已經好開心。」恭喜晒！好興奮！
