陳庭欣10億少奶夢碎 宣布與富貴男友分手.前港姐冠軍陳庭欣（Toby）與坐擁10億身家富貴男友楊振源（Benny）拍拖8年，惟近日她自爆「結婚非人生Top 5」兼缺席男友生日，即惹情變疑雲，Toby今日（29日）出席活動，正式宣布分訊。Toby受訪時大方直認已回復單身，她說：「知道大家都好關心，早排已經想同大家講，但因為社會發生好多事，覺得唔係時候，既然有人問到就講，我𠵱家感情狀況係單身，已經分開2、3個月，雖然大家都好想知，但呢啲都係我哋之間嘅事，都想保持我哋之間知道就可以。」她指分手是因「了解而不了解」，強調不涉及第三者：「相處過嘗試過了解，了解到唔了解對方嘅想法，最重要係覺得雙方三觀唔一樣。（包括結婚？）唔關結婚事，結婚其實我哋一早已經有共識，我哋都未有諗住去到呢一步，自己亦冇講大話，都唔急住，所以絕對唔係呢個問題。」她覺得兩個人在一起不一定要向着結婚為目標，坦言社會上也有不少離婚個案。她很感謝對方在生命上出現過，雖然不能再一起走下去，但仍可以第二種方式相處：「生活上除咗拍拖仲有好多事要做，所以大家唔需要太擔心。」問到是否已搬離愛巢？Toby坦言這事情比較私人，只表示現正處理中，叫大家不用擔心，自己很安好。談到是誰提出分手？她眼紅紅說：「其實冇話邊個先提出，有啲事去到嗰個位，大家都覺得適合呢個方向，我哋冇嗌交，𠵱家都有聯絡溝通，我性格係唔會想不歡而散，每樣嘢都係好來好去。」她坦言跟一個人相處了8年，在這樣長久的關係中，有時會好像迷失了自己，要深思一下自己究竟有甚麼想做。問到會否感到可惜？她承認初時的確有點想不開：「但係當再同朋友傾偈或者去思考過往嘅事，我就會覺得，有時唔係因為8年時間去衡量係咪可惜，我覺得有啲嘢係好似首歌咁，應該放低時就放低，Let go囉！」問到情傷有否好了些？她說：「都可以，我性格比較正面，冇嘢會令到自己好唔開心，加上之前發生火災事件，令我覺得唔好因為一件事而令到自己諗埋一邊，家人好重要，要活在當下，好感謝有啲朋友陪我。（準備接受新戀情？） 當然唔Ready，話Ready都嚇親你，要沉澱吓先。」TVB
