【On.cc】謝天華獲30位索女包圍 關嘉敏唔需要黃家俊借精藝人謝天華、關嘉敏（Carman）、李芷晴、應屆港姐冠軍陳詠詩、友誼小姐李尹嫣、蔡華英、謝淑怡及王汛文等晚上（13日）齊集將軍澳電視城，為《萬千星輝賀台慶》表演項目進行舞蹈綵排。謝天華表示對上一次到電視城已是數年前參與「獎門人」節目，自2013年離開無綫後，則是首次回來為台慶擔任表演嘉賓，跟約30位美女一起負責舞蹈環節，問到是否很久沒試過被這麼多女生圍着？他笑謂：「唔係好耐未試過，係從來未試過。（會有好Close辣身舞之類？）咁一齊跳舞唔通離行離迾咩，哈哈！」他表示今次舞步是精心設計過，希望令觀眾看到會有一點驚喜。談到當年「Laughing哥」角色大受歡迎，問到會否回來拍劇？他笑指首先要看看頭髮能否重現當年造型，坦言最重要視乎檔期是否能夾到，因近年不時中港兩邊走工作，若剛巧在內地有劇拍很難同時應付香港拍攝，並笑指酬勞、劇本及對手都是回來拍劇的誘因，不過亦覺得世事無絕對，相信總有機會，至於會否有興趣接拍真人騷？他説：「真人騷有好多類型，都要睇吓適唔適合自己，我結咗婚仔女都有埋，冇理由去《女神配對計劃》嘛，哈哈！」他笑指對飲食節目有興趣，但又擔心吃得太放肆令身形走樣。提到他日前跟電影古惑仔系列的好兄弟陳小春、林曉峰及錢嘉樂擔任開幕禮表演嘉賓，獻唱《海闊天空》，事後有網民大讚4人外形保持得很好，謝天華笑指幸好大家平日都很自律，故未至於出現走樣得太離譜，對能夠參與這樣的大型盛事感高興，問到會否想培育下一代成為運動員？他笑謂：「佢哋鍾意邊種運動就邊種運動，或者可能係書生型呢？」問到「古惑仔」何時再聚首開騷？他認為最重要是人齊才有意思：「個個都難約，佢哋幾個全部都係天王巨星，啲期又密，好難夾，哈哈！」他表示閒時大家碰面吃飯也有提過合體開騷，若夾到檔期自己當然會想再搞，問到會否邀請《古惑仔》系列中的其他經典角色演員例如「烏鴉」張耀揚、「蔣生」萬梓良等當嘉賓？他笑指擔心順得哥情失嫂意，到時變成個個都要請。回巢拍劇睇檔期。型爆。關嘉敏開心表示，《女神配對計劃》為她帶來了不少工作機會，又笑指今次台慶舞蹈表演為她帶來「博懵」機會，因表演當中安排了她躺在謝天華懷中並被對方抱腰，她笑謂：「正呀！今次辛苦謝天華啦！（因為你重？）唔好咁講，我要證明佢係一位好腰、好腎、好男人，哈哈！（你咁講唔怕畀對方老婆鬧？）呢個係表面證供，係全港都想知嘅，我暗示畀大家知，阿嫂唔好嬲，講吓笑啫。」她透露今次舞蹈環節的服裝上包含型格和性感，最尾大家更會除衫，因此自己也不敢怠慢，自月初起便開始進行斷食減磅。談到劉晨芝早前自爆向黃家俊借精生子一事，Carman即笑問究竟記者當時在講到甚麼話題令對方爆出此事，不過她大讚黃家俊是精明人，亦坦言知道對方當初是追求劉晨芝但不成功，因在《女神配對計劃》節目中對方已透露過。提到黃家俊以「留給自己鍾意的人」為由拒絕劉晨芝借種，問Carman可會覺得對方意思是想將之留給她及會否有興趣接收？她即笑謂：「嘩！我仲未去到呢個地步，大家嘅步伐跳得咁快，佢留畀另一個囉，即係唔係太鍾意啦，所以唔揀係有原因，而且我唔需要，依家以事業為重！（劉晨芝爆黃家俊嗜好係追女仔？）所以我要深入了解一下，因為我之前唔認識佢，而且我太耐冇拍拖，真係會驚畀人傷害。」關嘉敏獲謝天華抱腰，佢笑言係自己「博懵」。關嘉敏話依家以事業為重，拍拖驚被傷害。
