【On.cc】容祖兒出道26周年收驚喜 準時凌晨晒公主相贈粉絲
歌后容祖兒尋日（29日）迎嚟出道26周年紀念，粉絲同公司都有聯動為佢慶祝，英皇娛樂發文「旅程才剛開始」，粉絲發起「容祖兒寶藏國語歌」街訪活動，先後推薦《愛情復興》、《流沙》、《裝傻》等冷門佳作，等女神好歌愈傳愈多。而公司亦為佢準備驚喜，本身前一晚（28日）容祖兒現身澳門參與中秋直播節目，同事就趁佢上酒店房時送上Cute爆花束及公仔，搞到容祖兒又驚又喜，又笑言自己成個腦都係表演嘅歌，個腦仲未Load到其他嘢，不過都依然感動。
容祖兒仲未知有驚喜。
容祖兒一見到就開心。
出道26周年快樂！
好感動。
要繼續唱好歌。
而今日（30日）凌晨0時0分，佢就準時上載一輯公主相，以心型胸晚裝上陣，答謝歌迷26年嘅愛戴：「謝謝你們，讓我的尋常日子，因為音樂和你們而變得不尋常。新一年的故事，沒有隆重的開場，像往常一樣：The show will go on💕 」
容祖兒影靚相贈fans。
成個公主咁。
