【On.cc】羅啟豪親自炮製月餅 推中秋禮籃冧「豪吧」
《中年好聲音1》的「超班靚聲王」羅啟豪近日忙於宣傳新歌《小鬼主意》之餘，於10月1日將會在沙田馬場出席「賽馬日」活動。為迎接中秋佳節，他聯同歌迷會「豪吧」正密鑼緊鼓延續去年大受歡迎的《十式社企迎中秋》禮籃。禮籃當中更包括今年首賣的「豪吧」專屬月餅禮盒，而月餅更是他特別到製餅工場，跟足步驟親手炮製，又積極參與包裝禮籃，他興奮說：「呢次真係實現咗童年夢想！」
啟豪笑言：「我最近推出嘅新歌，主題係小朋友渴望早日長大成人，我細個時其中一個想快點長大嘅原因，就是自由進出廚房，可以親自下廚！當知道歌迷會計劃推出自家月餅，我立即提出要去工場一趟，親身嘗試去整月餅！」他滿懷期待大顯身手，誰知超強颱風樺加沙打亂計劃，猶幸在各方努力調動之下，終能在颱風登陸後的晴天，讓他夢想成真！
製餅師傅的悉心指導，啟豪從頭做起，每一步都感覺新奇，他說：「我好喜歡整甜品，但從未試過整月餅，由秤蓮蓉、搽蛋黃、搓麵粉、印月餅模、放入焗爐以至包裝等等全部工序，我一直非常享受整個過程，最困難嘅係捽開蓮蓉再包住蛋黃，厚薄要適中，好考功夫！」師傅不但對他的用心表示肯定，更大讚他親手所製的月餅似模似樣，甚具專業水準，他總共炮製了幾十個「豪吧」月餅，將以盲盒方式放進禮籃之內。
羅啟豪親自整月餅。
專門拜師學藝。
好有誠意。
整月餅冧歌迷。
推出中秋禮籃。
迎接中秋佳節。
